Aıaz, burqasyn: Aldaǵy úsh kúngi aýa raıy boljamy
NUR-SULTAN. QazAqparat – «Qazgıdromet» RMK 12-14 qańtar aralyǵyndaǵy aýa raıy boljamyn usyndy, dep habarlaıdy QazAqparat.
«Atalǵan kezeńniń basynda Atlant tsıklony eldiń basym bóligine jaýyn-shashyn ákeledi: soltústikte – jaıaý burqasyn, qar; batys pen ońtústikte – jańbyr, qar bolady.
Odan keıin eldiń basym bóligine Salehard aýdandarynan antıtsıklon yǵysady. Osyǵan baılanysty, atalǵan kezeńniń sońyna qaraı kún ashylyp, temperatýra tómendeıdi dep kútilýde.
Alaıda, respýblıkanyń keı jerlerinde tuman, ekpindi jel, jaıaý burqasyn kútiledi. Ońtústikte, ońtústik-shyǵysta jáne batysta – kóktaıǵaq, ońtústik-batysta shańdy daýyl boljanady», - delingen sınoptıkter aqparatynda.
