Aıaz Ata men Aqshaqar Jańa jyl keshterinde...(FOTOREPORTAJ)
ASTANA. QazAqparat - Jańa jyl qarsańynda Qazaqstannyń túkpir-túkpirinde balalarǵa arnalǵan shyrshatoılar ótkizý dástúri bıyl da erekshe jaǵdaıda jalǵasty. Merekelik sharalar balalar úshin umytylmas sátke aınalyp, ár búldirshin táttiler men syılyqtarǵa ıe boldy.
Balalar esinde uzaq ýaqyt saqtalatyn osyndaı jańa jyldyq merekelik sharalar Astanadaǵy mekemelerde de jalǵasqan bolatyn. Máselen, elordada ótken Prezıdent shyrshasy «Jibek jolyndaǵy jańa jyldyq ertegi» atty kóńildi dýmanmen áserli ótti. Merekeni asyǵa kútken balaqaılardy aldymen Memleket basshysy Nursultan Nazarbaev beınejoldaý arqyly quttyqtady.
«Biz senderdiń sportpen shynyqqan, sapaly bilim alǵan, rýhanı tolysqan azamat bolǵandaryńdy qalaımyz. Bul - árbir ata-ananyń ǵana emes, súıikti Otanymyzdyń, kúlli qazaq eliniń qalaýy. Qazaqstan búginde álemge beıbit ári jasampaz el retinde tanyldy. Memleketimizdiń álem aldyndaǵy bedelin arttyrýǵa ózderiń de eseıgende úles qosasyńdar dep senemin. Óıtkeni, sender - rýhy bıik, táýelsiz eldiń zerek te zerdeli urpaǵysyńdar! Men bárińe myqty densaýlyq, jarqyn bolashaq tileımin. Jańa jyldaryń qutty bolsyn, aınalaıyndar!» - dedi Nursultan Nazarbaev.
Jańa jyldyq kontserttik baǵdarlama keshinde ertegi keıipkerleri teatrlandyrylǵan qoıylym qoıyp, túrli konkýrstarmen balalardy qyzyqqa bóledi. Balalar Oqýshylar saraıyndaǵy planetarıı men ınteraktıvti saıabaqty aralap, qydyrdy. Ár bala Memleket basshysynyń atynan merekelik syılyq aldy.
Elbasy shyrshasynyń keshine a lmatylyq ozat oqýshylar da tánti boldy. Onda qalanyń jalpy bilim beretin mektepterinde oqıtyn 200 oqý ozaty qatysty. Balalarǵa arnalǵan baǵdarlamany ertegi keıipkerleri ǵana emes, qazaqstandyq ártister de jandandyrdy. Oqýshylardyń barlyǵy QR Prezıdentinen aldy, onda: sporttyq kıimder, kitaptar, planshetter jáne oqýǵa qajetti quraldar bar.
Al Qaraǵandyda Prezıdenttik shyrsha toıyna qatysýshylarǵa da planshetter men sertıfıkattar tabys etildi. Asyǵa kútken merekelik sharaǵa óńirdegi balalar úıleriniń tárbıelenýshileri, az qamtylǵan otbasylardyń balalary, oqý úlgerimi jaqsy jetkinshekter men túrli konkýrstar men baıqaýlar jeńimpazdary qatysty. 180-nen astam balalar Jasyl shyrshany aınala án salyp, Aıaz Atamen, Aqshaqarmen birge kóńil kóterdi.
Al Shymkenttegi Prezıdenttik shyrshatoıda balalarǵa noýtbýkter men kitaptar syıǵa berildi. Jańa jyldyq shoý-baǵdarlamaǵa oblystyń barlyq óńirinen kelgen 200-ge tarta búldirshin qatysty. Óńirdiń shyǵarmashylyq ujymy tamasha teatrlandyrylǵan qoıylym usynyp, onda aǵymdaǵy jyly el bolyp atqarylǵan mereıtoılyq sharalar da kóriniske arqaý boldy. Máselen, teatrlandyrylǵan qoıylym barysynda Qazaq handyǵynyń 550 jyldyǵy, Uly jeńistiń 70 jyldyǵy, Ata Zań men Qazaqstan halqy Assambleıasynyń 20 jyldyǵy sekildi sharalar týraly balalarǵa uǵynyqty qoıylymdar qoıyldy.
Shyǵys Qazaqstan oblysyndaǵy Prezıdenttik shyrshaǵa 300 bala qatysty. Onda jetim, ata-ana qamqorlyǵynsyz qalǵan búldirshinder, az qamtylǵan jáne kóp balaly otbasynyń balalary, sondaı-aq, talantty oqýshylar men oqýda, sportta, shyǵarmashylyq jáne qoǵamdyq ómirde erekshe kózge túsken balaqaılar bas qosty.
Petropavldaǵy Prezıdent shyrshasynda Táýelsizdik Hanshaıymy Aqorda beınelengen táj kıdi. Oblystyń barlyq óńirlerinen kelgen 9 jáne 13 jastaǵy balalar qaladaǵy Sport saraıynda ótken merekelik sharanyń kýágerine aınaldy. Ertegiler elindegi keıipkerlerge uqsap kıingen olardyń árqaısysyna Memleket basshysy atynan noýtbek pen táttiler syılandy
Jambyl oblysyndaǵy 200 balaqaı da Prezıdent shyrshasynyń qyzyǵyna bólendi. Oblys ákimi Kárim Kókirekbaev Elbasy atynan balalarǵa oqýda tabys tilep, Memleket basshysynyń syılyǵyn, noýtbýk pen oıynshyqtardy, táttilerdi tapsyrdy.
Shyrsha toıynyń tarıhyna kelsek, eń alǵash Jańa jyl merekesin atap ótý Mesopotamıda bolypty. Tarıhshy ǵalymdardyń pikirinshe, alǵashqy jańa jyl bizdiń eramyzǵa deıingi úshinshi myńjyldyqta toılanǵan. Al ıÝlıı Tsezar engizgen jańa kúntizbe (ıÝlıan kúntizbesi) boıynsha jańa jyldyń alǵashqy kúni retinde birinshi qańtar belgilengen bolatyn.
