Búgin elimizdiń basym bóliginde aıaz bolady - Qazgıdromet

Qazaqstannyń basym bóligine, soltústik-batys antıtsıklony áser etip, kún kóbinese jaýyn-shashynsyz, alaıda aıazdy bolady, dep habarlaıdy Kazinform «Qazgıdromet» RMK-na silteme jasap.

Atmosferalyq aǵyndardyń ótýine baılanysty elimizdiń batysynda qar, ońtústiginde, ońtústik-shyǵysynda jaıaý burqasyn soǵady. Atyraý oblysynyń ońtústiginde, shyǵysynda Mańǵystaý oblysynda shańdy daýyl turyp, Jambyl oblysynyń ońtústiginde, taýly aýdandarda tuman túsedi. Qazaqstan boıynsha jel kúsheıedi.

Túnde soltústikte, Almaty, Jambyl oblystaryndaǵy taýly aýdandarda, Jetisý oblysynyń taýly aýdandarynda 33-38°S aıaz bolady.

Túrkistan oblysynyń taýly asýlarynda, Jambyl oblysynyń soltústik-shyǵysynda keı ýaqytta óte kúshti jel soǵyp, jyldamdyǵy sekýndyna 30 m/s-ke jetedi nemese odan da joǵary bolady dep kútilýde.