Aıatolla Hameneı Tabasta qaza bolǵan kenshilerdiń otbasyna kóńil aıtty
ASTANA.KAZINFORM – Islam revolıýtsııasynyń mártebeli jetekshisi aıatolla Álı Hameneı Ońtústik Horasan provıntsııasyndaǵy Tabas kómir shahtasynda bolǵan jarylystan qaza tapqan kenshilerdiń otbasylary men jaqyndaryna kóńil aıtty, dep jazady IRNA agenttigi.
«Meıirimdi Allanyń atymen Tabas kómir kenishindegi qaıǵyly oqıǵanyń saldarynan qaza tapqandar men zardap shekken kenshilerdiń jaqyndary men týǵan-týystaryna qaıǵyra kóńil aıtamyn», - delingen Álı Hameneı joldaýynda.
«Men úkimet tarapynan qaıǵyly oqıǵa bolǵan jerge jiberilgen qutqarý kúshterin zardaptardyń aýqymyn joıýǵa kómektesýge shaqyramyn»,- dedi aıatolla Hameneı.
21 qyrkúıekte Madanjý shahtasynyń eki blogynda 250 metr tereńdikte metan jarylysy boldy. Oqıǵa kezinde shahtada 69 jumysshy bolǵan. Keminde 51 adam qaza taýyp, taǵy 17 adam jaraqat aldy.
Osyǵan deıin Irannyń kómir shahtasynda jarylys bolyp, 30 adam qaza tapqany habarlandy.
Kenishtegi jarylystan kóz jumǵandar sany 51 adamǵa jetti.
