Aıanat Jumaǵalı jastar arasyndaǵy Azııa birinshiliginde qola júldege ıe boldy

ASTANA. KAZINFORM – Aýyr atletıkadan Qazaqstan áıelder quramasynyń ókili Aıanat Jumaǵalı elordada ótip jatqan jasóspirimder men jastar arasyndaǵy Azııa chempıonatynda qola medal ıegeri atandy. 

Ulttyq olımpıadalyq komıtettiń málimetinshe, qazaqstandyq sportshy 77 kelige deıingi salmaqta synǵa túsken. 

Aıanat qossaıystyń qorytyndysy boıynsha 217 (95+122) kelini eńserip, jastar arasyndaǵy básekede qola júldeni enshisine jazdy. 

Bul týrnırde Ońtústik Koreıa ókili Hıso Djýn jeńis tuǵyryna kóterildi. Onyń nátıjesi – 230 (102+128) keli. Júldeli ekinshi oryn ózbekstandyq Gýlshodahon Dadamırzaevaǵa buıyrdy – 218 (96+122) keli. 

Eske salsaq, buǵan deıin aýyr atletıkadan Qazaqstan jastar quramasynyń ókili Erasyl Sáýlebekovtiń Astanada ótip jatqan Azııa chempıonatynda altyn júldege qol jetkizgenin habarlaǵan edik.