Aıanat Jumaǵalı aýyr atletıkadan álem chempıonatynda ónerin aıaqtady
ASTANA. KAZINFORM — Nınboda (Qytaı) aýyr atletıkadan álem chempıonaty jalǵasyp jatyr.
Jarystyń kezekti kúninde Qazaqstan quramasynyń ókili Aıanat Jumaǵalı 77 kelige deıingi salmaq dárejesinde synǵa tústi.
Otandasymyz qos jattyǵýdyń qorytyndysy boıynsha 19-orynǵa turaqtady.
Aıanat Jumaǵalı julqa kóterýde 101 kelini baǵyndyrsa, serpe kóterýde 126 kelini eńserdi. Osylaısha, qossaıys qorytyndysynda 227 kelini kóterdi.
Qytaılyq ıAn Tsıýsıa 265 (120+145) kelini kóterip, álem chempıony atandy. Kúmis júldeni onyń otandasy Pen Tsýıtın (262 keli) ıelense, úzdik úshtikti mysyrlyq Sara Ahmed (258 keli) túıindedi.
Aıta keteıik, buǵan deıin Aıanat Jumaǵalı 2026 jyly Japonııada ótken jazǵy Azııa oıyndarynda kúmis júldege ıe bolǵan edi. Sol jarysta qazaqstandyq aýyr atlet qossaıys qorytyndysy boıynsha 246 (109+137) keli kótergen bolatyn.
Eske salaıyq, Nınboda ótip jatqan álem chempıonatynda Qazaqstan quramasynyń enshisinde ázirge bir medal bar. Nurǵısa Ádiletuly 95 kelige deıingi salmaq dárejesinde 399 (182+217) keli nátıjesimen kúmis júldeger atanǵan edi.
