Aıana Joldas: eki otadan keıin qańtar aıynda daıyndyqty bastadym

ASTANA. KAZINFORM – 2025 jylǵy Azııa oıyndarynyń qola júldegeri, frıstaıl-akrobatıkadan Qazaqstan quramasynyń ókili Aıana Joldas jarystan keıin óz ónerin baǵalady. Bul týraly Ulttyq Olımpıadalyq komıtet málimdedi.

Sportshynyń aıtýynsha, ol bir jyl buryn eki márte ota jasatyp, sekirýdi tek bıylǵy qańtar aıynda bastaǵan.

- Bapkerimniń tapsyrmasyn tolyqtaı oryndaýǵa tyrystym. Jyldamdyq, bári jaqsy boldy. Bapkerim de maǵan kómektesip otyrdy. Jaraqatym týraly naqty aıta almaımyn. Shamamen bir jyl buryn tizeme eki márte ota jasatqan edim. Biraq qańtar aıynan daıyndyqty bastap kettim. Alǵashqy jarysym AQSh-ta ótti. Alǵashqy sekirýde aıaǵymdy aýyrtyp alǵan bolatynmyn. Qazir de az ǵana aýyrsyný bar, alaıda aldaǵy 1-2 kúnde qalpyma kelip, medal úshin kúresemin dep úmittenemin, - dedi sportshy.

Aıta keteıik, Qazaqstan sportshysy Aıana Joldas Qytaıdyń Harbın qalasynda ótip jatqan ІH qysqy Azııa oıyndarynda qola júlde jeńip aldy.

ıAbýlı taý shańǵy kýrortynda ótken áıelder arasynda frıstaıl akrobatıka synynda 76.54 upaı jınap, úshinshi orynnan kórindi.

Qytaılyq sportshylar altyn jáne kúmis medaldy ózara bólisti.