Aıana Boltabekqyzy: Álemdik arenada jarys jolyna shyǵatynyma senimdimin
NAGOıA. KAZINFORM — Qazaqstandyq jeńil atlet Aıana Bolatbekqyzy Japtnııada ótip jatqan HH jazǵy Azııa oıyndarynda óner kórsetti. Sportshy jarystan keıin Kazinform tilshisine Azıada jolyn jáne jospary týraly aıtty.
Otandasymyzdyń aıtýynsha, jarys nátıjesi oıyndaǵydaı bolmaǵan.
— Búgingi nátıje kóńilimnen shyqpady. Bastapqy jospar boıynsha kemi úzdik bestikke kirý edi. Azııa oıyndarynyń jarys jolyna shyǵý úshin kóp eńbektendim. Qanshama jattyǵýlar ótkizip, Azııa oıyndary normasyn oryndadym. Alaıda jarysta durys taktıka qoldana almaı qaldym. Bul alǵashqy Azıadam. Bapkerim belgili sebeptermen osynda kele almady, onyń qoldaýy men úshin óte mańyzdy edi, — dedi sportshy.
Aıana Bolatbekqyzy alda álemdik baıraqty básekelerde óner kórsetetine senimdi ekenin jetkizdi.
— Osyǵan deıin, jastar arasynda Azııa chempıonatynda bir kúmis jáne bir qola medal enshiledim. Eresekter arasynda keshendegi jarysta qola júlde jeńip aldym. Elimizde osy qashyqtyqta júgiretin qyzdar kóp emes. Sol sebepti osy baǵytta el namysyn qorǵap júrgenimdi maqtan tutamyn. Aldaǵy ýaqytta Azııa chempıonaty kele jatyr. Álem chempıonatynyń normasyn oryndap, álemdik arenalarda jarys jolyna shyǵatynyma senimdimin, — dedi sportshy.
Qazaqstandyq jeńil atlet sóz sońynda bapkerine jáne barlyq qoldaý kórsetken otandastarǵa raqmet aıtty.
Osyǵan deıin habarlaǵanymyzdaı, ıAsmına Toqsanbanva el qorjynyna toǵyzynshy altyn júlde saldy.
Sonymen qatar Qazaqstan quramasy jetinshi jarys kúninde bes qola medal jeńip aldy.
