Aıan Tursyn AQSh-ta japonııalyq faıtermen chempıondyq beldikke talasady

ASTANA. KAZINFORM – Qazaqstandyq jekpe-jek sheberi Aıan Tursyn (8-1) amerıkalyq Cage Fury Fighting Championships (CFFC) lıgasy aıasynda chempıondyq jekpe-jegin ótkizedi, dep habarlaıdy Kazinform tilshisi. 

Buǵan deıin ýshýdan Hanchjoýdaǵy Azııa oıyndarynda qola júldeger atanǵan sportshy endi aralas jekpe-jekte de baǵyn synap, UFC tarıhyndaǵy ekinshi qazaq áıeli ataǵyna qol jetkizýge bar kúshin salady. Budan bólek 31 jastaǵy otandasymyz álemniń eń myqty lıgasyndaǵy menedjerlerdiń kózine túsý úshin Amerıkadaǵy basqa da mańyzdy jarystarǵa qatysady. 

Aıan 6 aqpan kúni Fıladelfııa qalasyndaǵy (Pensılvanııa, AQSh) jeńil salmaqtaǵy bos belbeý úshin ótetin jekpe-jeginde jeńilmegen japonııalyq sportshy Arısa Matsýdamen (7-0) kim myqtyny anyqtaıdy.

Qazaqstandyq faıter budan buryn Octagon jáne Dala Fighting Championship lıgalarynda óner kórsetken. 

Al, AQSh-taǵy týrnırdiń basty kezdesýinde orta salmaqtaǵy bos tıtýl úshin qyrǵyzstandyq Býsýrman Jýmagýl (4-0) pen amerıkalyq Denıel Morrıson (7-2) synǵa túsedi. 

Buǵan deıin habarlaǵanymyzdaı, Asý Almabaev UFC-diń úzdik bestigine enýi múmkin.