Aıan Beısenbaev Astanadaǵy Azııa kýbogy kezeńiniń jeńimpazy atandy
ASTANA. KAZINFORM — Qazaqstan quramasynyń trıatlonshysy Aıan Beısenbaev Astanada ótken Azııa kýbogy kezeńinde top jardy, dep habarlaıdy UOK baspasóz qyzmeti.
Otandasymyz jarys jolyn 00:54:05 ýaqyt kórsetkishimen aıaqtap, márege birinshi bolyp jetti.
Ekinshi oryndy Teo Matrı ıelendi — 00:54:08. Al úzdik úshtikti chehııalyq Radım Grebık túıindedi — 00:54:09.
Egor Krýpıakov segizinshi oryn alsa, Daryn Qonysbaev 11-orynǵa turaqtady. Temirlan Temirov 14-shi, Ramazan Aınegov 18-shi, Maksım Shmýlıch 21-shi, Arlan Jańabaı 24-shi, Aleksandr Ten 25-shi, Elmurt Qanaı 30-shy, Danıl Porodnov 33-shi, Aleksandr Avtýshko 34-shi, Álınábı Marabekov 35-shi jáne Ilıa Krýpıakov 36-shy nátıje kórsetti.
Buǵan deıin trıatlonnan Qazaqstan quramasynyń Azııa kýbogynyń kezeńine qatysatyn quramy jarııalanǵanyn jazǵan edik.
