Aıan Ábdiresh Sýrdlımpııada oıyndarynda «altyn» aldy
ASTANA. QazAqparat - Qazaqstandyq taekvondoshy Aıan Ábdiresh Túrkııada ótip jatqan Sýrdlımpııadalyq oıyndarda altyn medalǵa qol jetkizdi, dep habarlaıdy Qazaqparat Komıtettiń baspasóz qyzmetine silteme jasap.
58 kg deıingi salmaqta synǵa túsken Aıan Ábdiresh birinshi aınalymda Reseıden kelgen sportshyny, ekinshi kezeńde ırandyq sportshyny basymdylyqpen jeńdi. Úshinshi ret qytaılyq taekvondoshydan da basym tústi. Al jarys fınalynda ýkraındyqtan aılasyn asyryp, altynnan alqa taqty.
Sondaı-aq dál osy sport túrinen Valentına Antonenko Sýrdlımpııadalyq oıyndarynyń «qola» júldesine ıe boldy.
Aıta keteıik, 18-shildede Túrkııanyń Samsýn qalasynda XXIII Sýrdlımpııadalyq oıyndary bastalǵan bolatyn. Tórtjyldyqtyń basty jarysyna əlemniń 100 memleketinen kelgen, estý qabileti tómen 3 myńnan astam sportshy qatysýda. Sporttyq jarys 30 shildede aıaqtalady.
