Aıaldamanyń terezesin syndyrǵan: Elordada vandaldar qalaı jazalanady

ASTANA. KAZINFORM – Elorda prokýratýrasynyń úılestirýimen «Zań jáne tártip» sharasyn iske asyrý aıasynda polıtsııa jáne jergilikti atqarýshy organdar vandalızmge qarsy kúres júrgizip jatyr, dep habarlaıdy Astana ákimdiginiń resmı saıty.

вандализм
Фото: Астана әкімдігі

2024 jyly bótenniń múlkin qasaqana joıý jáne búldirý boıynsha 337 adam ákimshilik jaýapkershilikke tartylyp, onyń 139-y qamaýǵa alyndy, sol sııaqty 198 adamǵa jalpy somasy 17,8 mıllıon teńgeden astam aıyppul salyndy.

Máselen, 26 qarashaǵa qaraǵan túni esirtkige mas kúıinde avtobýs aıaldamasynyń terezesin temirmen uryp, ádeıi syndyrǵan Astana turǵyny 30 táýlikke qamaýǵa alyndy.

Taǵy bir jaǵdaıda, 37 jastaǵy qala turǵyny 12 maýsym kúni tús aýa podezdiń plastıkalyq esigin syndyrǵan. Ol 25 táýlikke qamaýǵa alyndy.

Osyǵan uqsas taǵy bir oqıǵa 16 qazan kúni saǵat 14:30 shamasynda Áýezov kóshesinde boldy. 50 jastaǵy qala turǵyny JShS keńsesiniń týrnıketin qasaqana búldirip, 60 myń teńge kóleminde shyǵyn keltirgen. Ol 25 táýlikke qamaýǵa alynyp, keltirilgen shyǵyn óteldi.

Prokýratýra elorda turǵyndary men qonaqtaryna eger áreketinde qylmystyq quqyq buzýshylyq belgileri bolmasa, bótenniń múlkin qasaqana joıǵany nemese búldirgeni úshin 60 AEK mólsherinde aıyppul salý nemese 30 táýlikke deıin qamaýǵa alý jazasy qoldanylatynyn eskertedi.

Aıta keteıik, vandalızm men qoǵamdyq tártipti buzǵany úshin jaýapkershilikti kúsheıtetin zań qabyldandy.

Сейчас читают