Aıaldamaǵa kólikpen toqtap, oqýshy qyzǵa tıisken er adam ustaldy
BQO polıtsııa departamenti baspasóz qyzmetinen túsken málimetke qaraǵanda, oqıǵa 16 qyrkúıek kúni tańerteń qoǵamdyq kólik aıaldamasynda boldy.
Instagram jelisinen málim bolǵanyndaı, aıaldama mańyna kólikpen kelip toqtaǵan er adam 15 jastaǵy jasóspirim qyzǵa qatysty ádepsiz áreket jasaǵan.
«BQO polıtsııa departamenti qyzmetkerleri jedel is-sharalar barysynda 1987 jyly týǵan er adamdy anyqtady. Tártip buzýshynyń áreketi buzaqylyq retinde saralanyp, QR Qylmystyq kodeksiniń 293-baby 1-bóligine sáıkes sotqa deıingi tergeý amaldary júrgizilip jatyr», - dep habarlady vedomstvodan.
Atalmysh bap boıynsha aıypty dep tanylǵan adamǵa kelesi jazalardyń biri qoldanylýy múmkin - eki myń aılyq eseptik kórsetkishke deıingi mólsherde aıyppul; sol mólsherde túzeý jumystaryna tartý; alty júz saǵatqa deıingi merzimge qoǵamdyq jumysqa tartý; eki jylǵa deıingi merzimge bas bostandyǵyn shekteý; eki jylǵa bas bostandyǵynan aıyrý.