Aıaldamadan shatasqan: Ulan sarbazdary balalardy jaqyndarymen qaýyshtyrdy
NUR-SULTAN. QazAqparat – Elordada Ulttyq ulannyń sarbazdary ártúrli jaǵdaıǵa tap bolǵan eki balany jaqyndarymen qaýyshtyrdy, dep habarlaıdy QazAqparat.
5 qazan kúni saǵat 20.30-da áskerı jasaq bastyǵy qatardaǵy Orazhan Álisher, patrýlshiler qatardaǵy jaýyngerler Beksultan Smadııar men Mádı Aqjoltaev Bógembaı kóshesinde qoǵamdyq tártipti qamtamasyz etýge shyqqan. Olar kóshe boıynan shamasy 8-9 jastaǵy balany baıqap qalǵan. Álgi b ala aıaldamasynan shatasyp, mektepten úıine qaıtar joldy bilmeı turǵan eken. Áńgime barysynda oqýshy áskerı jasaq bastyǵyna ápkesiniń telefon nómirin bergen. Ápkesi Ulan jasaǵy turǵan jerge kelip, inisin úıine alyp ketti. Dál sol kúni osyndaı taǵy bir oqıǵa qaıtalandy. Imanbaev kóshesinde qyzmetin atqaryp júrgen áskerı jasaq bastyǵy Danııar Nyǵmetov jáne qatardaǵy jaýyngerler Jahangir Isaev pen Eldar Baıserkeev saǵat 19.00 shamasynda jeti jasar balany baıqaǵan.
«Balanyń sózine qaraǵanda, ol kilti bolmaı, páterge kire almaı júrgen. Áskerı qyzmetshiler áskerı top bastyǵyna bolǵan jaǵdaıdy dereý baıandaǵan. Ulandyqtar balanyń jaqyndary kelgenshe oqýshyǵa qolǵap pen ystyq sháı berip, kóńilin aýlaýǵa tyrysqan. Bala keıinnen anasynyń qolyna tapsyryldy», - dedi Ulttyq ulan baspasóz qyzmetinen.
