«Aıalaǵan Astana» baıqaýynyń jeńimpazy balalardyń «Novaıa volna-2014» baıqaýyna joldama alady
ASTANA. QazAqparat - «Aıalaǵan Astana» baıqaýynyń jeńimpazy balalardyń «Novaıa volna-2014» baıqaýyna joldama alady, dep jazady astana.gov.kz.
Elorda kúnine kishkentaı balaqaılardyń da qosary bar. Jastaıynan jarqyldaǵan búldirshinderdiń kókeıinde eldiń atyn shyǵaryp, tanymal juldyz bolsaq degen aq úrpek armandary da joq emes. Perishte kóńildiń aldamshy bolmaıtynyna da senedi.
Ónerli otbasynda dúnıege kelgen Muhamedálı Júginisovtyń ózge mamandyqty tańdaýy múmkin de emes edi. Ol aldymen ata-ana, odan keıin Rústem men Mırastaı aǵalarynyń qoldaýymen talaı belesti baǵyndyryp ta júr. Al Astana kúni qarsańynda ótetin «Aıalaǵan Astana» baıqaýy taǵy bir óner shyńynan kórinýge múmkindik beredi. Qazir ol reseılik mamandardan dáris alyp, óner saıysyna jan-jaqty daıyndalýda.
Ekinshi ret uıymdastyrylǵan baıqaýda ár balanyń jasyna qaraı án tańdalǵan. Qazylar baıqaýdyń úsh kúninde boıy eki aıǵy daıyndyqtyń nátıjesin shyǵarmaq.
Aıta ketý kerek, baıqaý jeńimpazy balalarǵa arnalǵan «Novaıa volna» baıqaýynda el namysyn qorǵaıdy
