«Aıalaǵan Astana-2017» baıqaýynyń fınalısteri anyqtaldy

Konkýrsanttar Qazaqstannyń túrli óńirlerinen keledi. Elorda atynan eki ánshi qatysady. Bul týraly Astana qalasynyń mádenıet, muraǵattar jáne qujattama basqarmasynan habarlady.

«Aıalaǵan Astana» baıqaýynyń irikteý kezeńi 1 qańtar men 15 aqpan aralyǵynda ótken bolatyn. Fınalısterdi anyqtaý maqsatynda bas prodıýser Lına Arıfýllına bastaǵan komıssııa 300-den astam balanyń ónerine baǵa berdi.  Baıqaý úmitkerlerinen túsken beınejazbalardy tyńdaý barysynda tómendegideı konkýrsanttar aqtyq synǵa joldama aldy:

1.     Aıdana Jálelova (Semeı)

2.     Alan Merǵalı (Oral)

3.     Álibek Azamat (Almaty)

4.     Ámına Japar (SQO, Taıynsha qalasy)

5.     Araılym  Berik (Qyzylorda)

6.     Aıalan Muqanov (Qostanaı)

7.     Beıbarys Aıtmuǵambetov (Aqmola oblysy Ereımentaý qalasy)

8.     Ilıa Koshıkov (Qaraǵandy)

9.     Karıne Bolat (Astana)

10.   Lýıza Nurqýatova (Aqtaý)

11.    Mádı Amanbaev (Jezqazǵan)

12.   Tomırıs Maratova (Astana)

Baıqaýdyń ekinshi kezeńi - fınaldyq shoýǵa daıyndyq retinde 27 naýryz ben 2 sáýir aralyǵynda ótedi. «Aıalaǵan Astana-2017» Balalar arasyndaǵy V respýblıkalyq televızııalyq baıqaýynyń Gran-prı ıegeri anyqtalatyn aqtyq syn 2017 jyly 2 sáýirde bolady», - delingen habarlamada.
 

Baıqaý qatysýshylarynyń ónerin bilikti qazylar alqasy baǵalaıdy, onyń quramyna otandyq jáne tanymal sheteldik ánshiler enbek. Sonymen qatar halyqaralyq baıqaýlardyń talabyna sáıkes, kórermender jeńimpazdy SMS daýys berý arqyly tańdaı alady.

Baıqaýdyń eń úzdik oryndaýshysy «Detskaıa Novaıa volna» halyqaralyq baıqaýynda Qazaqstan namysyn qorǵaıtyn bolady.

Aıta keteıik, «Aıalaǵan Astana» án dodasyna 7 men 13 jas aralyǵyndaǵy jas ánshiler qatysady.