«Aıala» qory Aqtóbe oblystyq balalar aýrýhanasyna eki apparat syılady

AQTÓBE. QazAqparat – «Aıala» qaıyrymdylyq qory oblystyq balalar aýrýhanasyna shaqalaqtardyń ómirin saqtaıtyn ınkýbator syılady, dep habarlaıdy QazAqparat tilshisi.

Qaıyrymdylyq qor tartý etken ınkýbator aıy, kúni jetpeı ómirge kelgender úshin eń qaýipsiz apparat. Munda bala oqshaýlanyp, salmaq jınaıdy. Sondaı-aq qor týa bitti baýyry búlinip, terisi sarǵaıǵan sábılerdiń emine arnaıy shamdy tartý etti. Eki qurylǵyny satyp alýǵa 7 mıllıon teńgeden astam qarjysyn jumsaldy.

«Aıala» qory bizdiń aýrýhanamyzdyń jansaqtaý bólimine ınkýbator, fototerapııa apparatyn berdi. Biri týa bitti aýrýǵa shaldyǵyp, ota jasalǵan balalar úshin asa qajet. Ekinshisi sábı terisiniń sarǵyshtyǵyn joıýǵa kómektesedi», - dedi oblystyq balalar aýrýhanasynyń reanımatolog-dárigeri Tolqyn Serǵazına.

Aıta keteıik, Aqtóbe medıtsınalyq ortalyǵynyń balalar aýrýhanasynda jylyna 80 myńnan astam bala medıtsınalyq tekserýden ótedi. Onyń 12 myńnan astamy jatyp em qabyldaıdy.