«Aıala» qaıyrymdylyq qory men Halyq banki «Alataý» balalar shıpajaıyna oıyn alańdaryn salyp berdi
ASTANA. QazAqparat - Búgin Almatyda respýblıkalyq klınıkalyq «Alataý» balalar shıpajaıy aýmaǵynda balalardyń oıyn aldańdaryn ashý rásimi bolyp ótti.
Halyqaralyq balalar kúnine oraı búldirshinderge mundaı syılyqty «Aıala» qaıyrymdylyq qory men Qazaqstannyń Halyq banki tartý etti, dep habarlady qordyń baspasóz qyzmeti.
«Aıala» qaıyrymdylyq qory, mine, birneshe jyldan beri «Meniń balalyq shaǵymdaǵy aýla» jobasyn iske asyryp kele jatyr. Osy joba aıasynda mektep-ınternat, balalar aýrýhanalary, shıpajaılar, perzenthanalar jáne basqa medıtsınalyq mekemelerdiń aýmaqtarynda balalarǵa arnalǵan oıyn alańdary salynyp jatyr. Osyndaı alańdar Almaty, Astana, Semeı, Óskemen, Taldyqorǵan, Temirtaý, Petropavl, Atyraý qalalaryndaǵy bilim berý jáne medıtsına mekemelerinde salynǵan. «Aıala» qory barlyǵy 22 osyndaı oıyn alańdaryn salyp bergen.
Respýblıkalyq balalar klınıkalyq «Alataý» shıpajaıy kópsalaly saýyqtyrý medıtsınalyq mekemesi bolyp tabylady. Ol - Іle Alataýynyń etegindegi Kishkentaý baýraıynda ornalasqan taýly-klımattyq kýrort. Jyl saıyn osynda 3-ten 14 jasqa deıingi 1 600ǵa tarta bala Qazaqstannyń barlyq túkpirinen kelgen kelip, ishek-qaryn joly, demalýy men nesep-jynystyq júıesiniń aýrýlary jáne kardıorevmatologııa aýrýlary bar, onkogemotologııalyq patsıentter saýyqtyrý kýrsyn alyp jatady. Emdegi negizgi basymdylyq klımattyq terapııaǵa beriledi (taza aýada serýendeý jáne dem alýǵa). Balalar úshin serýendeýdi qyzyq ári tartymdy etý maqsatynda shıpajaı aýmaǵynda zamanýaı, joǵary sapaly jáne qaýipsiz balalar alańy salyndy.
«Meniń balalyq shaǵymdaǵy aýla» jobasynyń bul kezeńiniń demeýshisi «Aıala» qorynyń» turaqty seriktesi - Qazaqstan Halyq banki shyqty. Bul jobadan basqa, Qazaqstan Halyq banki «Tynys al, balaqaı», «Ult densaýlyǵy bosaný úıinen bastalady», «Ómirge dem salaıyq» sııaqty jobalar jáne taǵy basqa da «Aıala» qorynyń medıtsınalyq jáne gýmanıtarlyq jobalaryn iske asyrýǵa kómek kórsetken bolatyn.
Búgingi kúni «Alataý» shıpajaıynda saltanatty ashylýy bolǵan balalar alańynyń quny 2 202 000 teńgeni quraıdy. Onyń bireýi búldirshin balalar oıyndaryna, ekinshisi - olardan úlkenirek balalarǵa arnalǵan.
«Qazaqstan Halyq banki men «Aıala» qaıyrymdylyq qoryna bizdiń ótnishimizge qol ushyn bergeni úshin úlken rızashylyǵymyzdy bildiremiz. Bizdiń shıpajaıda Qazaqstannyń barlyq túkpirinen kelgen balalar emdeledi, endi, olardyń demalýlary burynǵydan da qyzyqty bolatyn boldy», - dedi «Alataý» shıpajaıynyń dırektory Qanshaıym Musaeva.
