«AıALA» qaıyrymdylyq qory Almatydaǵy №10 mektep-ınternat oqýshylary úshin Naýryz meıramyn uıymdastyrdy
ALMATY. 5 sáýir. QazAqparat /Ádilet Musahaev/ - Búgin «AıALA» qaıyrymdylyq qory Almatydaǵy №10 mektep-ınternatta Naýryz meıramyn ótkizdi.
«AıALA» qaıyrymdylyq qorynyń dostar klýb músheleri men «KazComLife» ómirdi saqtandyrý kompanııasynyń qyzmetkerleri ınternat aımaǵynda sporttyq-oıyn alańyn quryp, merekelik sharalar ótkizdi.
Uıymdastyrýshylardyń aıtýynsha, Naýryz meıramynda syı-syıapat jasaý úrdiske aınalǵan. Sol sebepti, osy syı - balalar alańy, ınternat tárbıelenýshilerin uzaq ýaqyt boıy qýanyshqa bólep júredi degen oılaryn bildirdi.
Merkelik shara barysynda Klýbtyń basqa dostary tarapynan uıymdastyrylǵan tsırk qoıylymdary jáne ulttyq taǵam túrleri usynylǵan dástúrli dastarqan jaıylady.
№10 mektep-ınternatta, 7-10 jas aralyǵynda, jaǵdaıy nashar otbasylardan kelgen 90 bala bilim alyp, osy jerde turyp jatyr eken. Uıymdastyrýshylardyń aıtýynsha, balalar úıine qaraǵanda, ınternattar demeýshiler men metsenattardyń kóńilinen tys qalyp qoıatyn kórinedi.
