"Aıala" qaıyrymdylyq qory Almatyda balalarǵa arnalǵan jańa oıyn alańyn syılady
ALMATY. 1 qazan. QazAqparat /Erlik Erjanuly/ - Búgin Almatydaǵy №4 soqyr jáne nashar kóretin balalarǵa arnalǵan mektep-ınternatta jańa oıyn alańqaıy ashyldy. Ony salýǵa jumsalǵan qarjyny «AıALA» qaıyrymdylyq qory dostary klýby bergen.
Atap aıtqanda onyń basym bóligi «Mamamııa», «Ciao Pizza» meıramhanalar jelisinde ornatylǵan járdem qutysynda jınaldy. Sondaı-aq «Biz-Ber» kompanııasy men «Gloria Inc.» týrısttik agenttigi de bul sharaǵa óz úlesin qosyp, kógaldandyrý dızaıneri Valentın Elsýkov alańqaıǵa ornatylǵan gúlzarlardy tegin bergen. Onda balalardyń oıyn alańqaılaryna qosa, oıyn keshenine kiretin átkenshekter, úı jáne de basqa jabdyqtar ornalasqan ınternat alańy da qorshalǵan. Onyń ashylý rásimi mektep-ınternat tárbıelenýshileriniń kontsertimen bastalyp, «Mamamııa» jáne «Ciao Pizza» meıramhanalar jelisi tarapynan beriletin merekelik asqa ulasýda.
