Aıaqtary jansyzdanǵan sańyraýqulaq jııýshy úsh shaqyrymdaı jerdegi aýylǵa eńbektep barǵan

Óńirlik ІІM basqarmasynan juma kúni habarlaǵandaı, 1950 jylǵy er adamdy izdeý týraly ótinish polıtsııanyń kezekshi bólimine 20 shilde kúni keshkilik túsken. Zeınetkerdiń týystary onyń tańerteń ertemen ormanǵa sańyraýqulaq jınaýǵa ketip, sodan qaıtyp oralmaǵandyǵyn aıtqan. Adasqan jandy izdeý úsh táýlikke sozyldy.

Sársenbide aýyldan birneshe shaqyrym jerden polıtseıler tastap ketken velosıpedti jáne sańyraýqulaq salynǵan kárzeńkeni tapty.

Sol mańaıdan izdeýshiler toby japyrylǵan shóptegi izdi baıqady. Іzdi qýalaı júrgen polıtseıler elsiz aýyldaǵy úılerdiń birinen adasqan adamdy tapty.

«Sańyraýqulaq jınap júrgen zeınetkerdiń aıaq astynan jaǵdaıy nasharlap,aıaqtary istemeı qalǵan. Basyna tóngen qaýipti ańǵarǵan ol úsh shaqyrymdaı jer eńbektep, qańyrap qalǵan aýyldaǵy bir úıge panalaǵan»,- delingen habarlamada.

Iesiz úıde ol eki táýlikteı bolǵan, jemis-jıdek jep, jańbyrdyń sýyn ishken kórinedi.

Dárigerlerdiń aıtýynsha, qazirgi ýaqytta úıinde jatyr. Ómirine eshqandaı qaýip tónip turǵan joq.