Aıaqsyz qalǵan búldirshin qaıta qadam baspaq
ASTANA. 3 shilde. QazAqparat - Ispanııada kúrdeli ári keremet jasalǵan medıtsınalyq otanyń nátıjesinde on jasar búldirshin qaıta jer basyp júretin boldy.
Jergilikti hırýrg Pedro Kavadas kólik apaty saldarynan eki aıaǵynan birdeı aırylǵan balanyń dene múshelerin qaıta burynǵy qalpyna keltirip shyqty dep habarlaıdy BAQ.KZ .
Apattyń saldarynan búldirshin eki aıaǵynan da aırylǵan bolatyn. Ádette mundaı sátterde zaqymdanǵan músheni kesip alyp tastaıdy deıdi sala mamandary. Alaıda, ıspandyq dáriger naýqasqa ota jasaýǵa bel býǵan. P.Kavadas óziniń bul áreketiniń nátıjeli shyǵatynyna senimdi bolypty. Óıtkeni ol óz tájirıbesinde dál osyǵan uqsas operatsııany budan buryn da jasaǵan.
Balanyń aıaqtaryn qaıta qalpyna keltirý otasy týra 6,5 saǵatqa sozylypty. Dárigerlerdiń sózine sensek, naýqas bir aptadan keıin-aq tósekten turyp, júrip ketedi. Alaıda, keıbir býyndardy qalpyna keltirý múmkin bolmaǵandyqtan, onyń biri ımplantantpen almastyrylǵan. Al, balanyń bir aıaǵy ekinshisinen qysqa bolyp qalmaý úshin sol ımplantantty belgili bir ýaqytta aýystyryp otyrý qajet eken.
