Aıaq kıiminiń ultaraǵyna 182 mln teńgeniń altynyn jasyrǵan adam ustaldy
ASTANA. KAZINFORM — Bas kólik prokýratýrasynyń ótinishhaty boıynsha sot jalpy salmaǵy 2,8 kg, altyn quramy 99%-dan asatyn jáne quny 182,3 mln teńge turatyn 6 altyn quımany sotqa deıin tárkiledi.
Bas kólik prokýratýrasy málimetinshe, altyn memleket kirisine aınaldyryldy. Qaýly zańdy kúshine endi.
Qyrǵyzstan azamatshasy quımalardy óz elinde satyp alyp, olardy Qytaıǵa ary qaraı zańsyz ótkizý úshin «Qordaı Avto» ótkizý pýnkti arqyly Qazaqstanǵa kirgizgen.
Kedendik jáne shekaralyq baqylaýdan jasyrý maqsatynda ol aıaq kıiminiń ultaraǵynyń astyna úsh altyn quımadan jasyryp qoıǵan. «Qorǵas» HShYO aýmaǵynda baqylaýdan ótý kezinde altyn tabylyp, tárkilendi.
Sotqa deıingi tergep-tekserý jalǵasyp jatyr.
Astanaǵa 3 keli mefedron jetkizbek bolǵan eki adam ustalǵanyn jazǵan edik.
