Aıaq kıimin joǵaltyp alǵany úshin ákesi balasyn uryp óltirdi
ASTANA. QazAqparat - Londonnyń ońtústik-shyǵysyndaǵy Ketform qalasynda aıaq kıimin joǵaltyp alǵany úshin ákesi balasyn uryp óltirdi, dep habarlaıdy QazAqparat «Laıf-rý»-ǵa silteme jasap.
Bes jasar Aleks Malkolm báteńkesin oıyn alańynda joǵaltyp alǵan. Ashýlanǵan ákesi ony soqqynyń astyna alyp jatqanda baldyrǵan ákesinen qaıta-qaıta keshirim suraǵan. Oqıǵaǵa kýá bolǵandardyń aıtýynsha, birazdan keıin qatty daýys estilip, bala esinen tanyp qalǵan. 39 jastaǵy Marvın Aıhınecho áıeli Lılııa Brehaǵa qońyraý shalyp, onyń uıyqtap qalǵandyǵyn aıtqan.
Odan keıin es-túzsiz balasyn taksıge otyrǵyzyp, bes mınýttyq jerdegi aýrýhanaǵa emes, anasyna alyp barady. Baldyrǵannyń qulap, basyn uryp alǵandyǵyn aıtady. Lılııa aýrýhanaǵa qońyraý shalmaq bolǵanda, Marvın oǵan da tap beredi. Bul ýaqytta er balanyń denesi sýyp, beti kógerip ketedi. Dárigerler oǵan kómek kórsete almady.
Máıittik saraptama onyń basyndaǵy isik pen moıny men búkil denesindegi jaraqattar qulaý saldarynan bolýy múmkin emestigin kórsetti. Biraq buǵan deıin de isti bolǵan ákesi, óziniń kinásin moıyndamady.
