Aıaq kıim şetkasyna telefon jasyryp, túrmege kirgizbek bolǵan
QARAǴANDY. QazAqparat - AK-159/25 túzeý mekemesiniń qyzmetkerleri túrme aýmaǵyna tyıym salynǵan zattardy ótkizý faktisiniń jolyn kesti, dep habarlaıdy QazAqparat.
56 jastaǵy sottalǵannyń sálemdemesinde azyq-túlik pen birinshi qajetti zattardan basqa eki aıaq kıim shótkesi de bolǵan.
Vızýaldy tekserý kezinde qandaı da bir kúdik týmaǵan. Biraq rentgendi televızııalyq qurylǵy bógde zattardyń bar ekenin anyqtaǵan.
Aǵash aıaq kıim shótkesin ashý kezinde kesilgen jaryqtardan «INOI» markaly eki uıaly telefon men 4 SIM karta tabylǵan.
Sottalǵannyń 18 jasar týysy sálemdemeni ákelgenin, biraq onda tyıym salynǵan zattardyń bolǵanyn bilmegenin aıtqan.
Sálemdemeni sottalǵannyń eresek týystary daıyndaǵan, oǵan tek aparyp berýdi ótingen.
Atalǵan fakti boıynsha 18 jasar Qaraǵandy oblysynyń turǵynyna qatysty ákimshilik materıal resimdeldi jáne Jezqazǵan qalalyq ákimshilik sotyna joldandy.
