Aıaq astynan shyǵa kelgen aıý stýdentter keshine qatysýshylardyń záresin aldy
ASTANA. QazAqparat - Aıý AQSh-tyń Pensılvanııa shtatyndaǵy Lıhaı Ýnıversıteti kampýsy mańynda bolǵan stýdentter keshiniń shyrqyn buzdy.
Bul týraly Associated Press jergilikti polıtsııaǵa silteme jasap habarlaıdy. Salmaǵy 150 keli tartatyn qara aıý Fıladelfııadan soltústikke qaraı 50 mıldeı jerde ornalasqan kampýstyń mańynda jergilikti ýaqyt boıynsha shamamen 02:00- de paıda bolǵan.Sherıf Mark DıLýtsıonyń aıtýynsha, aıýdyń aıaq astynan shyǵa kelýi stýdentter arasynda dúrbeleń týǵyzǵan. 911-ge sansyz qońyraý soǵylǵan.
DıLýtsıonyń sózine qaraǵanda, bul aıý bir kún buryn ýnıversıtet arenasynda baıqalǵan. Biraq onda taǵy ań batpaqty jerge jasyrynyp úlgergen.
Keıinirek ýnıversıtet saıtynda aıýdy trankvılızatordyń kómegimen uıyqtatýdyń sáti tústi, degen habarlama paıda boldy. Jergilikti bıliktiń málimdeýinshe, jyrtqysh baqylaýǵa alynǵan. Qazirgi ýaqytta ony qalaı bosatýdyń amaldary qarastyrylyp jatyr.
