Aıaq astynan aýyrǵan áıel qalalyq avtobýsta kóz jumdy
PETROPAVL. QazAqparat - Petropavlda jolaýshy baǵdarlyq avtobýstyń ishinde kóz jumdy, dep habarlaıdy «QazAqparat» HAA tilshisi.
SQO ІІD baspasóz qyzmeti qaza tapqan áıeldiń aty-jóni anyqtalyp, bolǵan oqıǵa týraly onyń týystaryna aıtylǵanyn habarlady.
Avtobýstaǵy kýágerlerdiń áleýmettik jelige jazǵan aqparattaryna súıensek, jas mólsheri shamamen 40-45 jas aralyǵyndaǵy áıeldiń aıaq-astynan hali kúrt nasharlaǵan. Kóliktegiler oǵan shamalary kelgenshe kómek qolyn sozyp, júrgizýshi avtobýsty birden aýrýhanaǵa burǵan.
Ókinishke qaraı jolaýshynyń ómirin saqtap qalý múmkin bolmady.
