Aıaǵyn jaraqattap alǵan Sharapova AQSh-taǵy WTA týrnırinen shyǵyp qaldy
ASTANA. QazAqparat - Marııa Sharapova amerıkalyq Tsıntsınnatı qalasynda ótetin Áıelder tennısi qaýymdastyǵy (Women's Tennis Association, WTA) týrnırinen oń aıaǵynyń jaraqattanýy saldarynan shyǵyp qaldy.
Álemdik WTA reıtınginde ekinshi orynda kele jatqan reseılik týrnırdiń ekinshi aınalymynda AQSh ókili Varvara Lepchenkomen kezdesýi tıis bolatyn.
Aıaǵyn zaqymdap alǵan Sharapova budan buryn Kanadanyń Toronto qalasynda ótken týrnırdi de jalǵastyra almaǵan edi. Reseı Tennıs federatsııasynyń prezıdenti Shamıl Tarpışevtiń aıtýynsha, Marııanyń jaraqaty asa aýyr emes, tek aıaǵynyń sińirleri sozylǵan.
