Aıaǵyn ara kesip ketken jasóspirim aýyr jaǵdaıda jatyr - SQO
PETROPAVL. QazAqparat – Soltústik Qazaqstan oblysynyń dárigerleri san arterııasyn ara kesip ketken 15 jastaǵy balanyń ómirine arasha tústi, dep habarlaıdy QazAqparat tilshisi.
Oqıǵa 10 maýsym kúni boldy.
SQO balalar aýrýhanasynyń málimetinshe, 15 jastaǵy bala jedel túrde asa aýyr halde jetkizildi. Elektr togymen jumys isteıtin ara jasóspirimniń sanyn tilip ketip, saldarynan san arterııasyna zaqym kelgen. Aýrýhanaǵa túsken kezde balada gemorragııalyq jáne jaraqat shogy bolǵan.
«Balanyń ómirin saqtap qalý úshin jedel áreket etýge týra keldi. San arterııasynyń qan torabyna aýtovena qoıylyp, nátıjesinde sol aıaǵy qanmen qamtamasyz etildi. Qazirgi ýaqytta balanyń jaǵdaıy turaqty túrde aýyr, jansaqtaý bóliminen ári qaraı emdeý úshin angıohırýrgııalyq bólimge aýystyryldy. Taǵy bir balanyń ómirin saqtap qaldyq. Qazirgi ýaqytta onyń ómirine keler qaýip joq», - deıdi SQO balalar aýrýhanasynyń dárigerleri.
Mamandardyń aıtýynsha, jaz ýaqytynda balalar arasynda túrli jaraqat alý oqıǵalary jıileıdi. Sol sebepti oblystyq balalar aýrýhanasynyń dárigerleri ata-analardy balalaryna bas-kóz bolyp, olarǵa qaýipsiz jaǵdaı jasaýǵa shaqyrady.
