Aıaǵymen jebe atqan AQSh sadaqshysy jeli qoldanýshylaryn tań qaldyrdy
ASTANA. QazAqparat - Aıaǵymen jebe atatyn eki qoly joq sadaqshy Mett Statsman (Matt Stutzman) óz ómiri týraly baıandady. Beınerolık YouTube-taǵy Great Big Story arnasynda jarııalandy, dep jazady Lenta.ru.
Statsman eki qolsyz dúnıege kelgen, biraq bul álemdegi eń úzdik sadaqshy bolýǵa kedergi keltirmedi. Ol úılengen jáne eki balanyń ákesi. «Ómirdegi sátsizdiktiń qanshalyqty qıyn ekeni mańyzdy emes, adam balasy bárin de eńseredi», - deıdi sadaqshy.
Ol sadaq atý boıynsha AQSh paralımpıada quramasynyń múshesi, tipti 2015 jyly eń uzaq qashyqtyqtaǵy nysanaǵa dál tıgizgeni úshin Gınnestiń álemdik rekordyn ornatqan.
Statsmannyń ómiri vıdeohostıng qoldanýshylaryn tań qaldyrdy, onyń tabandylyǵy men ómirge qushtarlyǵyna tánti boldy. «Men bul vıdeony mindetti túrde óz balalaryma kórsetemin, eger bir nárseni jasaý qıyn dep oılasańdar, myna jigitti eske alyńdar dep aıtamyn», - dep jazdy qoldanýshylardyń biri.
