Aıaǵy synǵan Harrıson Ford «Juldyzdy soǵys» fılminde beline deıin ǵana túsiriledi
ASTANA. QazAqparat - Harrıson Ford aıaǵy synyp, aǵylshyndyq Oksford qalasyndaǵy aýrýhanada jatyr, oǵan ota jasalady. Bul týraly londondyq The Daily Telegraph gazeti habarlady.
«Fordqa aıaǵyna ota jasaý qajet, odan keıin oǵan gıps salynady, dep jazady basylym. - Al «Juldyzdy soǵys» kıno epopeıasynyń jańa jetinshi túsirilimi jalǵasa bermek, tek akter tolyqtaı saýyǵyp, gıpsty sheshkenge deıin beline deıin ǵana túsiriledi».
Harrıson Ford ótken beısenbide Londondaǵy Pinewood túsirilim alańynda jaraqattanyp qalǵan bolatyn. Onyń aıaǵyna dekoratsııanyń bir bóligi - «Myńjyldyq Qyran» ǵarysh kemesiniń esigi qulap ketti.
