Aıagúl Mırazova: Saılaýda durys tańdaý jasaý - bolashaǵymyz úshin mańyzdy
Elbasy, Nur Otan partııasynyń tóraǵasy Nursultan Nazarbaev partııanyń Ortalyq apparatynda bolǵan qurylymdyq fılıaldar jetekshilerimen kezdesýinde kezekten tys prezıdent saılaýy bıliktiń zańdylyǵyn nyǵaıtyp, elimizdegi turaqtylyqty qamtamasyz etý úshin qajet ekenin málimdegen bolatyn.
«Iá, búgingi turaqtylyqty kózdiń qarashyǵyndaı qorǵap, Elbasyn qoldap, aldaǵy saılaýda durys tańdaý jasaý - bolashaǵymyz úshin qajet ekeni daýsyz. Elimiz Táýelsizdik jyldary júz jylda júzege asatyn isterdi atqaryp, damyǵan elder qataryna qosylýdy aldyna maqsat etip qoıdy. Bul oraıda, bilim salasynyń ókili retinde memleketimizdiń adam kapıtalyn daıyndaý sapasyn arttyrý jolyndaǵy saıasaty boıynsha ulttyq mazmunda tárbıe berip, álemdik bilim keńistigi mazmunymen úndesýdi júzege asyryp jatqanyn uly is dep bilemin. Naqtyraq aıtsam, «Bolashaq» baǵdarlamasy, Nazarbaev ýnıversıteti, Nazarbaev zııatkerlik mektepterine baǵdarlaný júzege asyp jatyr. Osy jylda júzdegen jańa mektepter men balabaqshalar boı kóterdi. Muǵalimderdiń biliktiligi arta tústi», - dedi Aıagúl Mırazova.
Nur Otan partııasy ókiliniń aıtýynsha, Nursultan Nazarbaevtyń Memleket basshysy laýazymynan ketýi - kemeńgerliktiń belgisi.
«Elbasy Nursultan Nazarbaevtyń «Árbir urpaqtyń atqaratyn óz mindetteri bar. Men jáne meniń zamandastarym elimiz úshin qoldan kelgenniń bárin jasadyq. Álem ózgerip, jańa býyn keledi. Bul - tabıǵı protsess. Olar óz zamanynyń problemalaryn sheshetin bolady. Sondaı-aq, elimizdi odan ári órkendetý úshin bar kúsh-jigerin jumyldyrýǵa tıis» degen sózi - danalyqtyń kepili. Qazaqstandyqtar jáne álem qaýymdastyǵy bul sheshimdi, eń aldymen, jas memleketimizdiń keleshegine, saıası turaqtylyqqa jáne budan ári qaraıǵy damýyna baǵyttalǵan kemeńgerlik qadam dep qoldap, qabyldady. Endi aldaǵy kezekten tys saılaý meıilinshe ashyq, ádil jáne demokratııalyq sıpatta ótetinine senim bildirip, bárimiz belsene qatysýǵa tıispiz», - dedi A.Mırazova.
Sarapshy otandastaryn táýelsiz Qazaqstannyń jarqyn keleshegi úshin, demokratııalyq jetistikterimiz baıandy bolyp, damýdaǵy sabaqtastyq úshin aldaǵy prezıdent saılaýyna bir kisideı qatysýǵa shaqyrdy.
«Bizder, muǵalimder qaýymy, memleketimizdiń bilim saıasatyn júzege asyrýshylar retinde, Elbasynyń bastamasymen belgilengen baǵdarlamalardyń odan ári sapaly júzege asýynda bul kezekten tys saılaý nátıjeleri asa mańyzdy dep bilemiz. Jańa saılaý osy izgi nıetimizge jetýde ıgi yqpal etedi dep oılaımyn», - dedi A.Mırazova.
Foto: almaty-akshamy.kz
