Aıagózdik túlekter týǵan aýylyna oıyn alańyn salyp berdi

ÓSKEMEN. QazAqparat - Týǵan jerge taǵzym - qazaq halqynyń álmısaqtan jalǵasqan salty. Osyny eskergen aıagózdik túlekter 2 mln teńgeden astam qarajatty qaltalarynan shyǵaryp, aýylyna oıyn alańyn salyp berdi, dep habarlaıdy QazAqparat altaynews.kz-ke silteme jasap.

Shyńqoja batyr atyndaǵy orta mektepti 2003 jyly aıaqtaǵan túlekter shynymen saýapty is bitirdi. Igi iske muryndyq bolǵan - mektep túlegi Madııar Slıamjaruly Bendebaev.

Kindik qanyń tamǵan topyraqty qasterleý - ulttyq sanamyzdaǵy qasterli uǵym. Elbasy «Bolashaqqa baǵdar: rýhanı jańǵyrý» atty maqalasynda «Patrıotızm kindik qanyń tamǵan jerińe, ósken aýylyńa, qalań men óńirińe, ıaǵnı týǵan jerińe degen súıispenshilikten bastalady» degen bolatyn.