Aıagózdegi sý tasqynyna baılanysty Úndeý jarııalandy
ÓSKEMEN. QazAqparat - Aıagózde apattan zardap shekkenderge qarjylaı kómek kórsetý maqsatynda arnaıy esepshot ashyldy, dep habarlaıdy QazAqparat tilshisi.
Aýdandyq ákimdik, «Nur Otan» partııasynyń jergilikti fılıaly jáne aýdandyq máslıhat ókilderi Aıagóz aýdanyndaǵy jaǵdaıǵa baılanysty Úndeý jarııalady.
«Apat aıtyp kelmeıdi. Oılamaǵan jerden zardapqa ushyraǵandar qatarynda bireýlerińizdiń týystaryńyz, bireýlerińizdiń tanystaryńyz ben aralas aǵaıyndaryńyz bar. Eń bastysy, adam shyǵyny joq. Qazirgi ýaqytta tótenshe jaǵdaıdyń saldaryn joıý boıynsha jumystar júrgizilýde. Qaıyrymdylyqtyń qaıyrly is ekenin túsingen aýdan turǵyndary múmkindiginshe kıim-keshek, azyq-túlikpen qoldaý kórsetýde. Jumys toby qurylyp arnaıy komıssııa qyzmetin bastap ta ketti. Árqashan qandaı da bolsyn qıyndyqqa dýshar bolǵan adamǵa kómek berý - azamattyq paryz dep esepteledi. Sol sebepti múmkindigimizshe otandastarymyzdy jelep-jebeý maqsatynda tabıǵattyń dúleı apatynan zardap shekkenderge materıaldyq jáne moraldyq kómek berýge shaqyramyz» - delingen Úndeýde.
Shottyń rekvızıtteri:
OF "Aıagóz Bolashaq"
BIN 110740000641
BIK KZKOKZKX
KBE 18
Aǵymdaǵy esep shot KZ279260301178000004 KZT "Kazkommertsbank" AQ bólimshesi.
Aıta keteıik, Aıagóz aýdanyndaǵy apattyń shyǵynyn arnaıy komıssııa eseptep jatyr.
