Aıagózdegi daýyl: Buzylǵan ǵımarattar bir aptanyń ishinde qalpyna keltirilmek
ÓSKEMEN. QazAqparat – Shyǵys Qazaqstan oblysynyń Aıagóz qalasynda qatty jeldiń saldarynan 19 kópqabatty jáne 72 jer úı, sondaı-aq 8 ákimshilik ǵımarat zaqymdanǵan, dep habarlaıdy QazAqparat tilshisi.
Búginde Aıagóz aýdanynda tótenshe jaǵdaı jarııalandy. ShQO ákiminiń orynbasary Baqytjan Baıahmetov bastaǵan arnaıy komıssııa sol jerge attanǵan. Bul jaıly aımaq basshysy Danıal Ahmetov Instagram -daǵy jeke paraqshasynda jazdy.
«Keshe keshke Aıagóz aýdanynda jyldamdyǵy sekýndyna 28 metrge jetken ekpindi jel soqty. Aǵashtardyń qulaýy saldarynan elektr jelileri úzildi. Saldarynan 3679 abonent elektr jaryǵynsyz qalǵan. Qazirgi ýaqytta kezeń-kezeńimen jaryq qosylýda. ShQ AEK-nyń 5 jedel brıgadasy jaqyn arada qalǵan 700 abonent boıynsha jumysty aıaqtaýy tıis», - dedi ákim.
Onyń aıtýynsha, oqıǵa ornynda barlyq kommýnaldyq jáne apattyq qyzmetter jumys isteýde. Buzylǵan ǵımarattardy qalpyna keltirý jumystary bir apta ishinde aıaqtalýy tıis. Bul oraıda qajetti qarajat bólinedi.
«Daýyldyń saldarynan qalalyq aýrýhanaǵa túrli dárejedegi jaraqattarmen 7 adam júgingen. Qazir jaǵdaılary turaqty, statsıonarda bir naýqas jatyr», - deıdi Danıal Ahmetov.
Esterińizge sala ketsek, osyǵan deıin ShQO-da quıyndy daýyl soqqanyn habarlaǵan bolatynbyz.
