Aıagózdegi áskerlerimiz Elbasy tapsyrmasyn oryndaýǵa saqadaı saı

ASTANA. 19 qazan. QazAqparat - Búgin Qazaqstan Respýblıkasy Qorǵanys mınıstrliginiń keshendi aqparattyq-nasıhattaý toby Óskemen qalasynda jumysyn jalǵastyrýda. Keshe Aıagóz garnızonyndaǵy tankishiler, artıllerıster, áýe shabýylyna qarsy qorǵanys áskerleriniń bólimderi, jergilikti qorǵanys isteri jónindegi bólim basshylyǵy «Qazaqstan-2050» Strategııasy: qalyptasqan memlekettiń jańa saıasaty» atty Joldaýynda kórsetilgen basymdyqtardy iske asyrý jóninde atqarylyp jatqan sharalar týraly baıandady.

Top basshysy Bas shtab bastyǵynyń orynbasary polkovnık Muhamedjan Talasov Aıagóz garnızonynda ornalasqan tank brıgadasynyń bazasynda garnızon áskerı bólimderi komandırleriniń jergilikti jerdegi jaǵdaı týraly baıandamalaryn tyńdady. Aqparattyq nasıhattaý tobynyń basshysy áskerı bólimderdiń qysqy jylytý kezeńine daıyndyǵyna, jeke quramdy qystyq kıim-keshekpen tolyq qamtamasyz etý, áskerı tártip máselelerine keńinen toqtaldy. Aıagóz áskerı garnızonynyń bólim komandırleri qysqa daıyndyq jáne áskerı tártip máselesi boıynsha naqty baıandady.

Merzimdi qyzmet áskerı qyzmetshiler arasynda kelisimshart boıynsha áskerı qyzmetke qabyldanýǵa tilek bildirýshilerdiń ulǵaıyp kele jatqandyǵy, komandırlerdiń jeke qurammen júrgizgen jumysyna oń baǵa bola alady. Aıagózdik áskerıler elimizdiń qorǵanysy men áskerı qaýipsizdigine qosyp kele jatqan úlesterin úlken maqtanyshpen aıtady.

Sonymen qatar polkovnık Muhamedjan Talasov áskerı bólim komandırlerimen bolǵan jınalys barysynda áskerı-patrıottyq tárbıe men Qarýly Kúshter men áskerı qyzmettiń bedelin arttyrý úshin mektepterde áskerı qyzmetke shaqyrý jasyna deıingi jastarmen jumys júrgizýdiń mańyzdylyǵyn aıryqsha atap ótti. Bul týraly Qazaqstan Respýblıkasy Qorǵanys mınıstrliginiń baspasóz qyzmetinen habarlady.