Aıagózdegi áleýmettik kómek ortalyǵyn Óskemenge kóshirýdi qarastyrý qajet - Aımaǵambetov
Shyǵys Qazaqstan oblysy Aıagóz qalasyndaǵy arnaıy áleýmettik kómek ortalyǵynda 4 balanyń ólimine qatysty jaıt qaralǵan otyrys barysynda mınıstri mundaı problema elimizdiń basqa da dál osyndaı mekemelerinde baıqalatyndyǵyn jetkizdi. Sonymen qatar ol otyrysta aıtylǵan barlyq usynystar munan ary qaralyp, oryndalýy úshin hattamǵa engiziletindigin atap ótti.
«Vedomstvoaralyq komıssııa atynan Shyǵys Qazaqstan oblysynyń ákimdigine mekemeni oblys ortalyǵyna kóshirý nusqalaryn qarastyrýdy tapsyramyn. Ol iri qaladan 400 shaqyrym shalǵaıda bolǵan kezde balalardyń densaýlyǵy úshin úlken táýekelder oryn alady. Sonymen qatar kámeletke tolmaǵandar isi jónindegi komıssııa qyzmetin de jandandyrý qajet. Munan bólek, úkimettik emes uıymdardyń, azamattyq sektordyń ókilderin tarta otyryp, medıtsınalyq-áleýmettik mekemelerdiń, balalar men qarttar úıleriniń ǵımarattaryna keshendi tekserý júrgizý qajet dep esepteımiz. Sondaı-aq qoǵamdyq baqylaý ınstıtýtyn damytýǵa jalǵastyrý kerek», - dedi Ashat Aımaǵambetov.