Aıagózde tórt balasynan aıyrylǵan otbasyna qandaı kómek berildi – ákim jaýaby

Abaı oblysynyń ákimi Nurlan Uranhaev elordadaǵy esep berý brıfınginde Aıagózde órt saldarynan tórt balasynan aıyrylǵan otbasyǵa qandaı kómek kórsetilgenin aıtty, dep habarlaıdy Kazinform.

«Osy qaıǵyly jaǵdaı bolǵanda eń birinshi aýdan ákimi, meniń birinshi orynbasarym sol otbasynyń qasynda boldy. Tolyǵymen kómek kórsettik. Qazir olarǵa ýaqytsha eki bólmeli páter berdik. Bul páter turmystyq tehnıkamen, jıhazben tolyq jabdyqtalǵan. Jeltoqsan aıynda ózderiniń qalaýymen Óskemen qalasynan eki bólmeli páter beriledi. Sebebi olar Óskemen qalasynda tirkeýde tur. Osyndaı kómek kórsetildi, áli de qajetti kómekti kórsetip jatyrmyz», — dep jaýap berdi N. Uranhaev Ortalyq kommýnıkatsııalar qyzmetinde tilshi saýalyna.

Budan buryn habarlanǵandaı, Aıagózde órtengen úıden 4 balanyń denesi tabylǵan edi.

Eńbek jáne halyqty áleýmettik qorǵaý mınıstri Svetlana Jaqypova bul balalardyń úıde jalǵyz qalǵanyn aıtqan edi.

Sondaı-aq, QR Bas prokýratýrasy Aıagózdegi 4 balanyń ólimine qatysty tergeý bastalǵanyn habarlady.