Aıagózde tasqynnan zardap shekken 13 otbasy baspanaly boldy
ÓSKEMEN. QazAqparat - Aıagózde qonys toıy jalǵasýda. Búgin oblys ákiminiń orynbasary Ásem Núsipova taǵy 13 otbasyna saltanatty túrde páter kiltterin tabys etti, - dep habarlaıdy QazAqparat tilshisi.
Oblys ákiminiń baspasóz qyzmetiniń málimetine súıensek, Shyǵys Qazaqstanda kóktemgi apattyń saldaryn joıý naýqany qyzǵan. Mysaly, Aıagózde jergilikti merdigerlerden bólek Semeı men Tarǵabataı aýdanynyń 5 qurylys kompanııasy jumys istep jatyr. Buǵan deıin 118 mıllıonnan astam teńgege 28 otbasyna turǵyn úı satyp alynsa, búgin olardyń qataryn 13 januıa tolyqtyrdy. Oǵan qosa Qazaqstan Musylmandary Dinı basqarmasy jáne «NFS Kazakhstan» JShS qoldaýymen 2 januıa baspanaly boldy.
«Bıylǵy kóktem bizdiń óńir úshin ońaı bolǵan joq. Tasqynnan 2 qala, 5 aýdan, 33 eldi meken zardap shekti. Qazirgi tańda turǵyndardy kúndelikti turmystaryna qaıtarý úshin barlyq kúshter jumyla áreket etýde. Komıssııa jumys istep jatyr, qarajat bólindi. Oblys boıynsha 23 qurylys uıymy jóndeý-qalpyna keltirý jumystaryn júrgizýde» - dedi saltanatty jıynda sóz alǵan ShQO ákiminiń orynbasary Ásem Núsipova.
Aıta ketý kerek, osy ýaqytqa Aıagózde taǵy 12 úı baqylaý ústinde tur, al 15-iniń jóndeý merzimi ıeleriniń qalaýymen keıingi shegerildi.
