Aıagózde polıtsııaǵa para bermek bolǵan turǵynnyń ústinen is qozǵaldy
ASTANA. QazAqparat - Shyǵys Qazaqstan oblysy Aıaógóz aýdanynda polıtsııa qyzmetkerine para bermek bolǵan turǵynnyń ústinen qylmystyq is qozǵaldy, dep habarlaıdy QazAqparat tilshisi ShQO Polıtsııa departamentiniń baspasóz qyzmetine silteme jasap.
Belgili bolǵandaı, Aıagóz aýdanynyń Іshki ister bóliminiń mıgratsııa qyzmetkerleri aýdan aýyldarynyń 45 jastaǵy turǵyndarynyń birinen ótinim qabyldaǵan. Memlekettik qyzmetti kórsetý barysynda polıtsııa kapıtany álgi azamattyń jeke kýáligin aýystyrý ýaqyty ótip ketkenin anyqtaǵan.
«Óz kezeginde qyzmet alýshy ákimshilik jaýapkershilikten jaltaryp ketýdi oılap, polıtsııa qyzmetkerine 10 myń teńge ustatpaq bolǵan. Polıtsııa ofıtseri zańnama talaptaryna saı álgi azamattyń para bermek bolǵany týraly baıanat jazdy», - delingen habarlamada.
Endi qyzmet alýshy bir emes, ekijazaǵa tartylmaq. Birinshiden, ol tártip saqshysyna para bermek bolǵany úshin qylmystyq jaýapkershilikke tartylsa, ekinshiden ýaqyty ótip ketken qujat úshin ákimshilik jaýapkershilikke tartylady.
