Aıagózde kommýnaldyq mekeme dırektory para alǵany úshin ustaldy

NUR-SULTAN. QazAqparat - Shyǵys Qazaqstan oblysynyń Aıagóz aýdanynda aýmaqtyq áleýmettik kómek kórsetý ortalyǵynyń dırrektory 150 myń teńge para alyp jatqan jerinen ustaldy, dep habarlaıdy QazAqparat tilshisi.

Memlekettik qyzmet isteri jáne sybaılas jemqorlyqqa qarsy is-qımyl agenttiginiń habarlaýynsha, alǵashqy kelisim boıynsha kúdikti jalpy qamqorlyǵyna alýy tıis adamnan 200 myń teńge teńge almaq bolǵan.

«Aıagóz aýdan ákimdiginiń aýmaqtyq áleýmettik kómek kórsetý ortalyǵy» kommýnaldyq memlekettik mekemesiniń dırektory eńbek qatynastarymen baılanysty jalpy qamqorlyǵy úshin O. esimdi azamattan 150 myń teńge para alý kezinde qolǵa tústi» - delingen agenttiktiń málimetinde.

Ulttyq bıýronyń oblystyq departamenti kúdiktige qatysty sotqa deıingi tergeýdi bastady.