Aıagózde qarǵyn sýdyń kesirinen joldar jabylyp jatyr
ÓSKEMEN. QazAqparat - Shyǵys Qazaqstan oblysynyń Tótenshe jaǵdaılar departamenti «Qaraǵandy-Aıagóz-Buǵaz», «Aıagóz-Qaraýyl-Semeı-Qaınar» baǵytyndaǵy joldarǵa sý jaıylýyna baılanysty jabylǵanyn eskertti, dep habarlaıdy QazAqparat tilshisi.
Aıagóz-Qaraǵandy baǵytynyń 528-704 shaqyrymynda, Aıagóz-Qaınar baǵytynyń 0-144 shaqyrymynda barlyq kólikter úshin jol jabyq. Aıagóz qalasynyń ózinde sý alǵan úılerdiń naqty sany áli anyqtalǵan joq.
«Barlyq jaýapty qyzmet ókilderi aýdan ortalyǵynda júrmiz. Ázirge zardap shekken úıler týraly naqty aqparat aıtýǵa erte. Kórshi aýdandardan qosymsha tehnıka men jasaqtar kómekke shyqty. Qazirgi tańda adamdardy qaýipsiz jerge kóshirýmen áýrelenip jatyrmyz» - deıdi aýdandyq tótenshe jaǵdaılar qyzmetiniń ókili Janat Táńirbergenuly.
Al áleýmettik jelige taraǵan vıdeolarda qalanyń Jańaýyl atalatyn bóliginde qarǵyn sýdyń deńgeıi kópirmen teńeskenin habarlaýda. Taǵy bir vıdeoda qala ortasyndaǵy jer úıdiń qulap qalǵanyn aıtylady.
Kúrshim, Ulan, Aıagóz aýdandarymen birge Glýbokoe aýdanynyń da sý jaıylǵan eldi mekenderinde tótenshe jaǵdaı mamandary jumys isteýde.
