Aıagózde kámeletke tolmaǵan balany uryp-soǵý áreketi boıynsha is qaralyp jatyr

AıAGÓZ. QazAqparat – Shyǵys Qazaqstan oblysynyń Aıagóz qalasynda balalar úıi tárbıeleýshisiniń 2006 jyly týǵan kámeletke tolmaǵan balaǵa dene jaraqatyn salý áreketi boıynsha, sotqa deıingi tergeý júrip jatyr, dep habarlaıdy QazAqparat ShQO Aqparat ortalyǵyna silteme jasap.

Osy máselege baılanysty bapasóz-máslıhatynda aýdan ákimi Seıilbek Ysqaqov pen aýdan prokýrory Rýslan Muratbekov jáne balalarǵa arnalǵan mekemeniń dırektory Sholpan Maqasheva bolǵan oqıǵaǵa qatysty resmı aqparat usyndy.

«Psıhıatr-dárigerdiń qyraǵylyǵynyń arqasynda beınebaqylaý kameralary arqyly jedel túrde bolǵan oqıǵaǵa moıtorıng júrgizilip, beınetirkeý jasaldy. Tárbıeshisiniń qatal áreketi týraly quqyq qorǵaý, prokýratýra organdary men ákimdikke, jumyspen qamtýdy úılestirý jáne áleýmettik baǵdarlamalar basqarmasyna tıisti aqparat jetkizildi. Beınekameradaǵy jazbalar quqyq qorǵaý organdaryna joldandy. Men qamqorshysymyn, sondyqtan ony uryp-soǵýǵa qatysty oqıǵaǵa baılanysty aryz jazdym»,-dedi Balalar úıiniń dırektory Sh.Maqasheva.

Polıtsııa tekserý barysynda balanyń beti men moıyn tusynyń kógergenin anyqtady. Osy fakti boıynsha, QR QK 140 baby, 2 bólimine (kámeletke tolmaǵan jasty tárbıeleý boıynsha mindetin oryndamaý) sáıkes qylmystyq is qozǵaldy. Tıisti zańnamaǵa sáıkes, sotqa deıingi tergeý málimetteri jaııalaýǵa jatpaıdy. Qazirgi tańda qandaı shara qoldanylatyny sheshilý ústinde. Sot-medıtsınalyq saraptaý taǵaıyndaý josparlanyp otyr, dep habarlady ákimdik ókilderi.

Spıkerlerdiń habarlaýynsha, ótken jyly oblys prokýrorynyń bastamasymen jáne ShQO ákiminiń qoldaýymen balalar úıiniń tárbıelenýshileriniń qaýipsizdigin qamtamasyz eý maqsatynda beınebaqylaý kameralary ornatylǵan.

Іs oblys prokýrorynyń baqylaýynda. Oqıǵa ornyna ShQO ákiminiń orynbasary Alısher Marhabat jolǵa shyqty.