Aıagózde boıjetken qarııany soqqyǵa jyqty
ÓSKEMEN. QazAqparat - Shyǵys Qazaqstannyń Aıagóz aýdanynda 77 jastaǵy jalǵyzilikti qartty boıjetken tonap ketti, dep habarlaıdy QazAqparat tilshisi.
«102» nómirine habarlasqan aqsaqal belgisiz adamnyń ózin taldyryp, aqshasyn alyp ketkenin aıtyp habarlasqan. Túngi saǵat 01.00 shamasynda tysqa shyǵyp, qoraǵa bettegen qarııany medıtsınalyq betperde taqqan adam taldyryp ketken. Qarııanyń qaltasynda 90 myń teńge bolǵan eken. Jedel iszdestirý sharalarynyń arqasynda tonaýshynyń 22 jastaǵy boıjetken ekeni anyqtaldy. Aýylǵa qonaq bop kelgen tonaýshynyń jalǵyzilikti qarııanyń qaltasynda aqsha baryn qaıdan bilgeni belgisiz.
Kúdikti sasqalaqtap júrip, bir qolǵabyn oqıǵa ornynda túsirip alady. Osy qolǵap onyń sońyna túsýge sebepker bolǵan.
Qazir boıjetkenge bultartpaý sharasy qoldanylýda. Ol óz kinásin tolyq moıyndaǵan. ShQO ishki ister departamentiniń baspasóz qyzmetiniń habarlaýynsha, kúdiktige qatysty Qylmystyq kodekstiń 191 baby boıynsha sotaldy tergeý jumystary taǵaıyndaldy.
