Aıagózde at shaptyryp, toı jasaǵandar jaýapkershilikke tartylatyn boldy
ÓSKEMEN. QazAqparat - ShQO polıtseıleri karantın talaptaryn buzyp, úılený toıy men basqa da otbasylyq is-sharalardy uıymdastyryp júrgenderdi anyqtaý úshin reıdke shyǵyp júr, dep habarlaıdy QazAqparat Altaynews-ke silteme jasap.
Shyǵys Qazaqstan oblysynyń bas memlekettik sanıtarııalyq dárigeriniń 16 tamyzdaǵy qaýlysyna sáıkes úlken toı-jıyndar ótkizýge tyıym salynǵan.
Osyndaı reıdtiń birinde tamyzdyń sońǵy demalys kúnderi Aıagóz aýdandyq polıtsııa bóliminiń qyzmetkerleri qaladaǵy meıramhananyń birinde toı jasap jatqandardyń ústinen tústi. Shaqyrylǵan qonaqtar toıhanaǵa «artqy» esikten kirgizilip, kólikter meıramhananyń arty men kórshi aýlaǵa qoıylǵan.
Osyǵan uqsas jaǵdaı Besqaraǵaı aýdanynda da tirkeldi. Onda jergilikti turǵyn báıge uıymdastyrǵan..
«Karantın rejımin buzýshylardy ákimshilik jaýapkershilikke tartý úshin barlyq faktiler men materıaldar Taýarlar men qyzmetterdiń sapasyn baqylaý jáne qaýipsizdigin baqylaý departamentine jiberildi», - deıdi ShQO Polıtsııa departamentiniń bastyǵy Saǵat Mádıev.
Foto/altaynews.kz
