Aıagózde áskerı qyzmetshilerdiń balalary arasynda ótken «Kóńildi start» máresine jetti

ASTANA. QazAqparat - Aıagóz garnızony Armııa ortalyq sport klýbynyń sport kesheninde áskerı qyzmetshilerdiń balalary arasyndaǵy sporttyq estafeta óz máresine jetti, dep habarlaıdy QR Qorǵanys mınıstrliginiń baspasóz qyzmeti.

Buqaralyq sportty damytý jáne jastar arasynda áskerı-patrıottyq tárbıeni nyǵaıtý maqsatynda uıymdastyrylǵan sharaǵa balalar sport sektsııasynyń 40-tan asa tárbıelenýshisi qatysty. Olar sporttyq saıys barysynda dene daıarlyǵynyń qanshalyqty joǵary ekendigin kórsetti.

«Biz jas sportshylarymyzdy maqtan tutamyz jáne áskerı qyzmetshilerdiń balalary des bermeı, ata-analary sekildi jeńisterge umtylyp, qol jetkizip jatqandaryna qýanyshtymyz», - dedi saıystyń bas tóreshisi, Armııashylar ortalyq sport klýbynyń nusqaýshysy, 3-synypty serjant Rınat Butabaev.

Onyń aıtýynsha, saıys qorytyndysy boıynsha «Semser» komandasy úzdik dene daıyndyǵyn kórsetti. «Qyran» jáne «Zymyran» komandalary ekinshi jáne úshinshi oryndarǵa ornalasty.

Jeńimpazdar men júldegerler medaldarmen, gramotalarmen jáne estelik syılyqtarmen marapattaldy.