14:36, 06 Qańtar 2024 | GMT +6
Aıagózde 20 tonna benzın quıylǵan tsısterna jaryla jazdady
Órt sóndirýshiler men polıtseıler benzın tsısternasynyń jarylý qaýpiniń aldyn aldy, dep habarlaıdy Polisia.kz.
5 qańtar kúni keshke Aıagóz aýdandyq polıtsııa bólimine 42 jastaǵy jergilikti turǵynnan Aqtoǵaı aýylynda KamAZ avtotsısternasynyń órtengeni týraly habar túsken.
Qaýipti aımaq qorshaýǵa alynyp, jaqyn mańdaǵy úılerdiń 52 turǵyny evakýatsııalandy, onyń 20-sy — balalar.
Tsısternada 20 tonna janarmaı bolǵan, sondyqtan tsısternanyń jarylý qaýpi bar ekeni anyqtaldy.
Janarmaı quıylǵan avtotsısternanyń órtin sóndirý úshin kóbik qoldanyldy.
Órt saǵat 20:30–da sóndirildi.
Zardap shekken eshkim joq. Órttiń shyǵý sebebi anyqtalyp jatyr.
