Aıagóz qalasynyń turǵyny kósheden oq-dári taýyp alǵan

SEMEI. KAZINFORM — 3 qyrkúıek kúni Abaı oblysy Aıagóz qalasynda polıtsııa qyzmetkerleri kúdikti zat tabylǵannan keıin aýmaqty qorshap, turǵyn úıden adamdardy evakýatsııalady. 

Aldyn ala derekter boıynsha, 70 jastaǵy jergilikti turǵyn temir zatty baıqap, ol syrtqy pishini boıynsha snarıadqa uqsas bolǵandyqtan, dereý «102» arnasyna habarlasqan.

Oqıǵa ornyna polıtsııa qyzmetkerleri, ІІM arnaıy bólimderiniń saperleri jáne TJD mamandary jedel jetti.

— Zertteý nátıjesinde tabylǵan zattyń qaýip tóndirmeıtini anyqtaldy. Bul paıdalanylǵan kassetalyq mına bolyp shyqty, ol jarylys qaýpin týdyrmaıdy, — delingen Abaı oblysy PD habarlamasynda.

Azamattardyń ómiri men densaýlyǵyna eshqandaı qaýip joq.

Akt boıynsha zat «Vostok» RKQ bólimshesine kádege jaratý úshin tapsyryldy. 

Aıta ketelik Semeıge úsh kúnde bir aılyq jaýyn jaýyp, turǵyndardy ábigerge salyp edi.