Aıaǵy attraktsıonǵa qysylyp qalǵan: Qyzylordada saıabaqtaǵy oqıǵaǵa qatysty is tergelip jatyr
QYZYLORDA. KAZINFORM – Qyzylorda qalasyndaǵy saıabaqtardyń birinde jasóspirimniń aıaǵy attraktsıonǵa qysylyp qalǵany beınelengen vıdeo tarady.
Áleýmettik jeli qoldanýshysy attraktsıonda onyń aıaǵyna qatty zaqym kelgenin, shuǵyl túrde qan qajet ekenin jazǵan. Oblystyq polıtsııa departamenti atalǵan máselege baılanysty túsinik berdi.
- Abaısyzda adamnyń densaýlyǵyna aýyr zııan keltirýge ákep soqqan eńbekti qorǵaý qaǵıdalaryn buzý deregi boıynsha polıtsııa qylmystyq is qozǵady. Qazirgi ýaqytta atalǵan is aıasynda oqıǵanyń mán-jaıyn jan-jaqty, tolyq jáne obektıvti anyqtaýǵa baǵyttalǵan tergeý áreketteri bastaldy. Qylmystyq is boıynsha zańnama talaptaryna sáıkes protsessýaldyq sheshim qabyldanady, - delingen habarlamada.
Іstiń tergelýi departament basshylyǵynyń baqylaýynda.
Buǵan deıin Qyzylorda qalasynyń turǵyny aýtızm dıagnozy qoıylǵan qyzyn qaladaǵy damytý ortalyǵynyń qyzmetkeri urǵanyn aıtyp, dabyl qaqty.
