AWARD.kz 2010 ulttyq ınternet júldesine ótinishter qabyldaý bastaldy
LMATY. Mamyrdyń 25-i. QazAqparat /Erlik Erjanuly/ - Úkimet aqparattyq tehnologııalar naryǵyn damytýdy qoldaýdyń jańa túrlerin izdestirip jatyr.
Bul búgin Almatyda AWARD.kz 2010 ulttyq ınternet júldesine ótinishter qabyldaýdyń bastalǵanyna oraı ótkizilgen baspasóz máslıhatynda aıtyldy, dep habarlaıdy QazAqparat.
"Biz bul syılyqty qoldaımyz. AWARD.kz Qaznettegi óte jarqyn bet jáne oqıǵa. Bıyl bizdiń aldymyzǵa Qazaqstanyń ınternet salasynyń budan ary qarqyndy damýy úshin jaǵdaı jasaý mindeti qoıyldy", deıdi "Zerde" ulttyq aqparattyq- kommýnıkatsııalyq holdıngi" AQ-nyń Basqarma tóraǵasy Ádilbek Sársenov.
AWARD.kz 2010 ulttyq ınternet júldesi baıqaýyn uıymdastyrý komıtetiniń teń tóraǵasy Aleksandr Lıahovtyń aıtýynsha, bıyl úmitkerlerdiń talap-tilekteri boıynsha 3 adamnan turatyn irikteý komıssııasy qurylyp otyr. Úzdik jobalar baıqaýy birneshe kezeńge sozylyp, jeńimpazdar qarashanyń 17-sinde marapattalmaq. Bıyl 8-shi ret uıymdastyrylyp otyrǵan bul shara Qaznettegi kórkemdik, tehnologııalyq jáne áleýmettik-mádenı jaǵynan úzdik veb-resýrstardy anyqtaý arqyly qazaq ǵalamtorynyń sapasyn arttyrýǵa jáne qoldanýshylardy kóbeıtýge zor úles qosýda. On atalym jáne 7 arnaıy atalym boıynsha ótetin bul baıqaýǵa byltyr 955 ótishin túsip, onyń 855-i dodaǵa qatysýǵa joldama alǵan bolatyn. Onda 3D, ıaǵnı úsh qalypty keńistikti paıdalanyp qurylǵan www.vrt.kz saıty úzdik shyqty. Resýrsty qurýshylar "Jeke saıttar, tanysý jáne suhbat", "2009 jyldyń úzdik saıty" jáne "AWARD.kz 2009 úzdik saty" atalymdarynda birinshi oryndy jeńip aldy.
